Gimnazjum nr 2 im Stanisława Szymańskiego w Zawierciu

Kto to jest Tetrachromata?
 

Zapewne słyszeliście o różnych superbohaterach, którzy posiadają supermoce. Jest to np. Superman, Spiderman, Hulk itd. Czy taki człowiek może istnieć także w naszym świecie? Odpowiedź brzmi: Tak! Taka osoba nazywa się tetrachromata. Posiada ona superzmysł wzroku. Widzi ok. 10 mln kolorów niczym niektóre owady i pająki. Dla porównania, normalny człowiek widzi „tylko” 500 tys. kolorów. Może nie dorównuje to np. supersile albo superszybkości, ale jest to umiejętność realna. Szkoda tylko, że tak mało ludzi posiada ten superzmysł.

 

 

Paulek i Gustlik razym se miyszkali.

Swady niy mieli, ani sie niy prali,

Bo Gustlik to chop pieronym spokojny.

Niy cis sie nigdy ku swadzie, do wojny.

Dycki gazeta czytoł lub groł w szkata,

Bondź se legnoł, jak to na stare lata.

W swyj izbie na wiyrchu boł w niebo wziynty,

Jak mioł co lubioł, czyli spokoj świynty.

Paulek w tyj chałpie na dole mioł izba

I choć do tego niy chcioł sie prziznać,

Waryjot z niego był fest pofyrtany.

Myśliwca udowoł dycki nad ranym.

Trombioł w goń sygnały, chytoł hazoki,

Na fazany szczyloł i inksze ptoki.

Lotoł drap przi tym z izby do antryja

I na leżanka skokoł ze bifyja

Biydok Gustlik skiż tego wyrobiania,

Gowa mioł wielgo jak na podzim bania.

Leci po prośbie: Pauleczku kochany!

Byćże tak choć ciszyj trocha nad ranym,

Bo żyje sie ciynżko i usnonć niy idzie.

Czamu rojbrujesz tak bez cołki tydziyń?

A Paulek na to: Ciś stond gupia małpo,

Przeca se moga co chca robić z chałpom!

Możno dwa tydnie od zdarzynio tego,

W tyj chałpie dzioło sie coś blank inkszego.

Paulek sie jeszcze pod pierzinkom grzeje

I mu sie na łeb coś z gipsdeki leje.

Bestoż klnie zmierzły i ślypia łotwiyro,

A tu je mokre praje cołkie wyro.

Drap na gora leci fest znerwowany,

Że niy poradzi poleżeć nad ranym.

Klup! Zawrzyte dźwiyrza. Bez dziurka kuknoł

I praje zarozki z nerwow  niy puknoł.

Co ujrzoł? Woda? Co to je? – sie pyto.

Czamu ty Gustlik  w chałpie ryby chytosz?

Na co  woda w izbie i  guminioki,

Na co wyndki, kibel, hoczyk, chroboki...?

A Gustlik na to: Ciś stond gupio małpo,

Przeca se moga co chca robić z chałpom!

Taki z bojeczki tyj morał płynie:

Gdyś wieprzkiym – inksi ci jak świnie!

 

 

Jest na banhowie ciynszko maszyna 

Rubo jak kachlok - niy limuzyna 

Stoji i dycho, parsko i zipie, 

A hajer jeszcze wongiel w nia sypie. 

Potym wagony podopinali 

I całym szwongym kajś pojechali. 

W piyrszym siedziały se dwa Hanysy 

Jeden kudłaty, a drugi łysy, 

Prawie do siebie niy godali, 

Bo się do kupy jeszcze niy znali. 

W drugim jechała banda goroli 

Wiyźli ze soba krzinka jaboli 

I pełne kofry samych presworsztóf 

I kabanina prościutko z rusztu. 

Pili i żarli, jeszcze śpiywali, 

Potym bez łokno wszyscy rzigali. 

W czecim Cygony, Żydy, Araby 

A w czwartym jechały zaś same baby. 

W piontym zaś Ruski. Ci mieli życie! 

Sasza łożarty siedzioł na tricie. 

Gwiozda mioł na czopce, stargane łachy, 

Krziwiył pycholem i ciepoł machy. 

A w szóstym zaś były same armaty, 

Co je wachował jakiś puklaty. 

W siódmym dwa szranki, pufy, wertikol, 

Smyczy maszyna może donikąd. 

Jak przejyżdżali bez Śląskie Piekary 

Kaj wom to robiom kółka do kary, 

Maszyna sztopła! Kufry śleciały 

I każdy latoł jak pogupiały. 

To jakiś ciućmok i łajza! 

Ciupnął i ślimtoł sygnal na glajzach. 

Mog iść do haźla abo do lasa, 

Niy pokazywać tego mamlasa! 

Potym mu ale do szmot nakopali, 

Maszyna ruszyła, cug jechoł dali. 

Bez pola, lasy, góry, tunele, 

Dar za sobom samym te duperele 

Aż się zagrzoły te biydne glajzy, 

Maszyna sztopła i koniec jazdy.